Deporte e diversidade funcional

Traballando sobre o deporte descubrimos un montón de cousas.
Que a todas e todos nos gusta practicar algún, e tamén disfrutar vendo a persoas que o fan moi ben nese deporte.
Que o deporte ten moitos beneficios para a nosa saúde, tanto física como mental. E axuda a facer amizades!
Que en cada deporte hai varias modalidades, algunhas para practicar en equipo e outras en solitario.
E que non é necesario ter un "corpo 10" para practicar deporte: calquera persoa pode, e hai deportes para tódolos gustos e niveis para todos os corpos. As persoas con algunha discapacidade física son un excelente exemplo de que o deporte é cousa de tod@s. E son, ademais, un estupendo exemplo a imitar de constancia, capacidade de esforzo, e superación.

Aquí vos deixo unha recompilación de imaxes sobre deporte e diversidade que o alumnado deste grupo buscou na rede, enviádomas por correo para que eu fixese a recompilación.
E ti, a que esperas para poñerte en marcha e practicar un deporte? :-)

Traballamos os oficios medievais na aula de info

Hoxe, na hora de Coñecemento do Medio, fomos á aula de informática facer un traballo relacionado coa Idade Media.
Tiñamos que escoller cadanseu oficio, buscar unha imaxe, e subila a un "padlet", que é unha aplicación que nos permite poñer imaxes e textos a varias persoas ao mesmo tempo.
Queredes ver como quedou? Pinchade na foto!

O noso traballo do sistema solar

Levamos algún tempo traballando sobre os planetas do sistema solar na aula de informática.
A partir dun guión proporcionado pola profe (distancia ao Sol, lugar que ocupa no sistema solar, orixe do seu nome, composición da súa atmosfera, cando foi descuberto e por quen...), fomos recompilando datos, que logo utilizamos para elaborar unha presentación de Power Point.
Tamén recollemos imaxes relacionadas cos contidos que fomos introducindo, e aprendemos a darlles efectos de animación.

sistema_solar

View more presentations or Upload your own.

Agardamos que vos guste!!