Saída a Ribeira

 Saímos as 9:45 da mañá.
Primeiro fomos ao Centro de día, coñecimos a unha persoa anciá chamada Carmen, e unha anciá xa a coñeciamos porque viñera a o colexio, chámase Antonia.
Acompañeina tomar o café.
Logo fomos ao teatro de Espantallo amigo, foi unha pasada.
A continuación fomos a Feira do ensino, onde había robots que molaban un montón. Nunha parte do edificio aparecian cousas nosas.
Encantoume!!!

Traballo de Mateo

Saída a Ribeira

Como sabedes, a semana pasada estivemos en Ribeira. Visitamos o Centro de dia do Alzhéimer e fomos ao teatro ver a obra dos Quinquilláns "Espantallo amigo", baseada no libro de Xosé Neira Vilas. Tamén fomos ver a Feira da educación.
Déixovos aquí as fotos da visita ao Centro de día.
Nos vindeiros días iremos poñendo entradas coas súas narracións sobre como viviron ese día, e o resto das fotos.

Visita ao auditorio

Esta semana fomos a Ribeira, ver unha exposición que hai no Auditorio.
A exposición chámase: "Emigración, traxedia, heroísmo", e trata sobre o naufraxio do Santa Isabel e a xenerosidade e valentía das persoas de Sálvora que foron auxiliar os náufragos.
Durante a exposición tiñámonos que fixar ben e buscar algúns datos para logo cubrir unha ficha que nos deu a profe.
Portámonos xenial, traballamos moitísimo, e ademais...pasámolo ben!
Queres ver fotos? Aquí che quedan:

Pincha na imaxe para ver todas as fotos

Carboeiro

Pincha na imaxe e verás todas as fotos da excursión

Onte fomos de excursión a Carboeiro.
Ao principio, cando iamos de camiño eu fun con Sergio e foi moi divertido.
Xesús, o noso guía, explicounos moitas cousas sobre o mosteiro de Carboeiro.
O sitio onde comemos estaba moi ben, tiña bancos de madeira, bancos de pedra, máquinas de deporte, un chiringuito e ata uns fogóns.
A parte que menos me gustou foi cando fomos por costas empinadas que cansaban e estaban cheas de pedras.
O mellor foi ir no autobús. Xesús deunos un libro pequeno de exercicios da Idade Media. En resumo, a excursión gustoume.

Traballo feito por Juanma.

Enerxía 3D

Pincha na imaxe para ver máis fotos

Que sabedes da enerxía? Nós estamos empezando a traballar sobre o tema.
E, para abrir boca, hoxe fomos a Ribeira, cos dous grupos de 4º e tamén con 5º, ver unha película que se titula "Enerxía 3D". Prestáronnos unhas gafas 3D moi chulas, con elas víase fenomenal.
A peli (podes ver aquí o trailer) é unha historia de amor entre unha chica moi interesada polo aforro enerxético e a ecoloxía, e un chico que, ao principio, só pensa nas motos e en fardar. Ao principio...porque despois vaise dando conta da importancia dos pequenos xestos de cada día para aforrar enerxía e contribuír a ter un planeta menos contaminado.
A historia de amor acaba ben.
A da enerxía...depende tamén de ti!