Lugares e personaxes da Idade Media

 

Castelo dos Andrade.

A semana pasada estivemos facendo un novo padlet, sobre lugares e personaxes da Idade Media. Tiñamos que escoller un lugar ou personaxe galego medieval, e buscar unha imaxe para poñer no muro. Debaixo, puxemos un pequeno texto informativo sobre esa imaxe. Gústavos?

As revoltas Irmandiñas

Unha presentación para aprender algunhas cousas sobre a revolta medieval dos Irmandiños en Galiza.

As revoltas Irmandiñas

More PowerPoint presentations from Nela Abella

Traballamos os oficios medievais na aula de info

Hoxe, na hora de Coñecemento do Medio, fomos á aula de informática facer un traballo relacionado coa Idade Media.
Tiñamos que escoller cadanseu oficio, buscar unha imaxe, e subila a un "padlet", que é unha aplicación que nos permite poñer imaxes e textos a varias persoas ao mesmo tempo.
Queredes ver como quedou? Pinchade na foto!

Enerxía nuclear

ENERXÍA NUCLEAR

• Obtense de minas onde se collen minerais radioactivos.
• Vantaxes:
  • Dá enerxía.
  • Dá traballo a moitas persoas.
  • Dá calor
• Inconvenientes:
  • Pode explotar.
  • Contamina moito.
  • E moi peligroso.
    
    

O equilibrista

Pincha na  imaxe para ver máis

O outro día, na clase, fixemos un experimento sobre o equilibrio.
Para facelo, precisamos:

• Un tapón de cortiza
• Dous alfinetes
• Dous paus para facer brochetas
• Unha superficie estreita e un pouco alta

Cravamos os alfinetes nun dos extremos do tapón, como se fosen as "patas" do equilibrista. Despois, poñémoslle os "brazos", que serán os paus de brocheta.
Para que o noso equilibrista faga un bo papel, é preciso poñerlle os "brazos" bastante abaixo, para que leven o centro de gravidade do conxunto máis abaixo do punto de apoio (os alfinetes).
É cuestión de ir probando.
Divertímonos moito!

O óso de goma

Pincha na imaxe para ver máis

Hoxe estivemos a facer un experimento na clase.
Bueno, en realidade o experimento comezou hai xa uns días.
Metemos dous ósos de polo en líquido: un, nun cacharro con auga; o outro, nun cacharro con vinagre.
Antes, medímolos, observamos a súa cor e a súa textura. E fixemos hipóteses acerca do que pasaría con cada un dos ósos. Medrarán? Cambiarán de cor ou de tamaño? Cambiará a súa textura ou brillo?
No medio da semana cambiámoslle o líquido, e hoxe, ao pasar unha semana enteira, sacamos os ósos dos líquidos e vimos o que pasaba.
O óso que estaba na auga non cambiou: tiña o mesmo aspecto, tamaño e textura que hai 7 días.
Pero o óso que estaba no vinagre...volveuse brando!
De novo tratamos de buscarlle unha explicación a por que pasaba isto. Como non dábamos topado o motivo, a profe explicounos que os ósos teñen moito calcio, e o vinagre é un ácido que o desgasta. O calcio é o que fai que os ósos sexan duros, así que, ao perdelo, perden a dureza, e parecen de goma.
Xa sabes, se queres ter uns ósos ben duros...toma alimentos que conteñan calcio!!!

PETRÓLEO

• Obtense de debaixo da terra.
• Vantaxes:
  • Da combustible para os coches

• Inconvenientes:

• esgotase
• produce moito CO2

feito por :Irene Regueira Cameán