Ovos recheos

A MIÑA RECEITA: OVOS RECHEOS CON LEITUGA

Ingredientes:

• Catro ovos
• Tres follas de leituga
• Unha lata de atún
• Maionesa

Preparación:

Cocemos os ovos e lavamos a leituga.

Cando os ovos estean cocidos abrímolos á metade e quitámoslle a xema. Despois mesturamos o atún coa xema, a leituga e a maionesa e enchémolos.

Traballo feito por Uxía.

Espaguetes á boloñesa

A MIÑA RECEITA: ESPAGUETES Á BOLOÑESA

Ingredientes:

• Medio quilo de espaguetes
• 1 litro de auga
• 1 pastilla de Avecrem
• Medio quilo de carne picada
• 1 anaco de cebola
• 2 culleradas de aceite
• Sal
• Tomate
• Viño

Preparación:

Cando a auga ferve engádese o Avecrem e os espaguetes e déixanse 10 minutos. Nunha tixola poñemos o aceite e a cebola picada, engadimos a carne e deixamos que se faga durante 10 minutos aproximadamente, engadimos un choro de viño branco e deixamos que o alcol se evapore, engadimos o tomate. 


Traballo de David 

Caldo de verduras

A MIÑA RECEITA: CALDO DE VERDURAS.

Ingredientes:

• Pe de porco
• costela
• touciño
• orella de porco
• rabo de porco
• lingua de porco
• chourizos
• carne de tenreira
• polo
• garavanzos
• verduras
• patacas

Preparación:

Cócese a carne de porco e de tenreira e os garavanzos durante 2 horas. Cando están listos retíranse da ola e engádese o polo, as patacas e as verduras.

Cando xa están listos vólvese engadir a carne e quéntase un pouco.

Feito por: Mateo

Sopa con polo

A MIÑA RECEITA : SOPA CON POLO

Ingredientes:

• polo
• fideos
• pastilla de Avecrem
• auga
• cenorias

Preparación:

Poñemos o polo a cocer nunha tarteira coa auga, as cenorias e a pastilla de Avecrem. Cando o polo estea cocido bótaselle os fideos e deixase cocer o tempo que marque o paquete dos fideos, sobre 5 minutos.

SÉRVESE QUENTIÑA.

TRABALLO FEITO POR: IRENE

ARROZ EN BRANCO

A MIÑA RECEITA:ARROZ EN BRANCO.

Ingredientes:
• arroz branco
• cebola
• allo
• sal
• auga
• aceite

Preparación:No fondo duna tarteira botas un chorriño de aceite picase a cebola

e o allo miudiño e deixase dourar un pouquiño logo bótase o arroz e remóvese todo un pouco

logo bótase a auga e o sal e déixase cocer.

FEITO POR: ANTIA

Viaxe ao espazo

Hoxe empezamos a traballar sobre o espazo. Queremos aprender cousas do noso planeta, e tamén do sol, da lúa, das viaxes espaciais... Nós xa sabemos algunhas cousas sobre o espazo...ou iso pensamos! Hoxe reunímonos para poñelas en común. Aquí vos deixo todo o que saíu:

Comparativa dos planetas do sistema solar.

• Hai moitas estrelas.
• Hai moitos meteoritos.
• O Sol ten cinco cores, e xa pasou por dous.
• A Terra recibe a luz do Sol.
• En Marte hai un lago conxelado. 
• En Marte hai vida.
• A Lúa sempre está redonda, aínda que ás veces a vexamos con outras formas.
• O Sol é unha estrela.
• A Terra tarda un día en dar unha volta arredor de si mesma. 
• Hai unhas cousas que se chaman buratos de verme, que se metes neles unha nave espacial, sae por outro sitio, a un Universo paralelo.
• Os buratos de verme permítennos viaxar entre o espazo e o tempo. Hai unha persoa que foi por eles.
• A Lúa cando está pola metade, é que hai algo que a tapa.
• Hai unhas cousas que se chaman buratos negros, que marchan coa luz.
• Plutón considérase un asteroide. Non é un planeta, porque non lle chega a luz do Sol
• Hai un home que foi o primeiro de todos en pisar a Lúa.
• Todas as estrelas están feitas de lume.
• Saturno ten seis aneis, que son importantes para el, porque se os perde, caería.
• Iso de que se Saturno perde os aneis caería non pode ser, porque no espazo non hai gravidade, así que non pode caer.
• A Terra ten dous lados: cando nun é de día, no outro é de noite.
• Hai unhas cousas que se chaman meteoros ultralilas, e outras que se chaman meteoros amarelos. Os meteoros amarelos, se chocan contra o Sol, métense nun Universo paralelo.
• En Mercurio hai furados.
• Saturno o que ten non son aneis, son como pedras que están en órbita arredor del.
• Cando imos nun avión, se saímos para fóra sen traxe espacial, podemos flotar na gravidade, e morremos.
• No espazo non existe osíxeno, pero a capa de ozono dános osíxeno.
• Se estás arriba, é como se houbese un imán que te leva aínda máis para arriba.
• As estrelas están feitas de po.
• O meteorito que destruíu os dinosauros chamábase Big Bang 1.
• O primeiro home que estivo no espazo estivo tres anos, e non envelleceu nada; pero cando volveu, aquí pasara moito tempo, e a xente envellecera, e a súa familia xa morrera toda.
• A primeira en ir ao espazo foi Laika, unha cadela. 
• Se se destrúe o Universo, destrúense todos os planetas, e nós tamén morremos.

Como vedes, sabemos un montón do tema. Tal vez haxa que "darlle unhas voltiñas" a algúns dos nosos coñecementos...pero sabemos moito máis que a profe, que descoñecía moitas das cousas que contamos hoxe. 
Pero aínda queremos saber moito máis. Cando a profe nos preguntou que era o que queríamos saber, saíu un listado enorme, e con algunhas cousas bastante complicadas... Queremos saber todo isto:

• Hai vida no Sol?
• Cantos anos (exactamente) vai estar a Terra dando voltas arredor do Sol?
• Queremos estudar ben os meteoros ultralilas e amarelos.
• Cal é o planeta que está máis cerca do Sol?
• Que é unha estrela fugaz?
• Como se creou o Sol? De que está feito? Que hai no seu interior?
• Como se formou o Universo?
• Foi deus quen creou o Universo e o Sol? E daquela deus, de onde saíu?
• Existe Deus, ou non?
• Cantos países hai na Terra?
• Que son os buratos de verme? 
• Cal é a causa da gravidade?
• Por que se formou a tormenta "Hexágono"?
• Que pasa con Plutón? Por que agora xa non é un planeta?
• Que pasaría con Saturno se se separase dos seus aneis?
• Que pasaría se un meteorito chocase cun volcán?
• Como se formou a Terra?
• Por que no espazo non hai herbas nin osíxeno?
• Por que caeu un meteorito hai millóns de anos?

Como vedes, temos traballo para un anaco...A investigar!

Viñetas silenciadas. Malala dá voz ás nenas e nenos de todo o mundo

Seguramente coñeceredes a historia de Malala, a rapaza paquistaní que hai cousa dun ano sufriu un atentado polo seu traballo en defensa dos dereitos das nenas. 
Pola súa valentía, Malala, ademais de ser nominada ao Nobel da Paz, recibiu numerosos premios:  

• Premio UNICEF 2013 de España, pola defensa do dereito das nenas á educación.
• Premio da Paz Internacional Tipperary 2013, de Gran Bretaña.
• Premio Embaixadora de Conciencia 2013, de Amnistía Internacional.
• Premio Internacional Infantil da Paz 2013, de Holanda
• Premio Internacional Cataluña 2013.
• Premio Clinton Cidadá Global 2013, pola Fundación Clinton. 
• Premio Peter Gomes 2013, da Universidade de Harvard.
• Premio Sajarov á Liberdade de Conciencia 2013, da Eurocámara.

Malala recibindo o premio Sajarov. Pincha na imaxe para ver a nosa exposición

Nós, no noso cole, tamén quixemos mostrarlle o noso recoñecemento, adicándolle a ela o día contra a violencia de xénero. Para commemorar esta data, fixemos unha exposición titulada "Viñetas silenciadas", na que pretendemos reflectir graficamente o silencio ao que se ven relegadas moitas nenas no mundo, sometidas sempre a un segundo plano...se é que hai un plano para elas. 
Queremos dalgún xeito expresar que a valentía de Malala dá voz a todas esas voces silenciadas. E contribuír, dalgún xeito, a que esas voces teñan presenza no noso espazo cotiá.

Avoas e avós

Pincha na imaxe para ver os textos

Hai uns días fixemos un traballo de recollida de anécdotas dos nosos avós e avoas.
Trouxémolas ao cole na nosa libreta de investigación, e lémosllas ao resto do grupo.
Despois, na aula de informática, pasámolas a un documento de texto, no que puxemos tamén unha imaxe relacionada coa anécdota.
Tamén empezamos a aprender a traballar co Word Art, para poñer o título do traballo.
Agora, a profe recompilounas todas e aquí vos van.

Gústanvos?
Deixade os vosos comentarios!

A visita dos avós e avoas

Yamila e Antonio facendo boas migas. Pincha na foto para ver outras.

O luns viñeron persoas maiores da residencia.Viñeron porque os invitamos, e porque estabamos estudando o Alzheimer.
Estivemos facendo un xogo de memoria, que consistía en que aparecíanche catro imaxes parecidas. Había dous equipos, o equipo dos avós e avoas e o equipo 2 era o da nosa clase.
E por último, pintamos. Mentres que pintamos, preguntinlle: Cantos anos tes? El díxome: Ti cantos pensas que teño? Eu dixen: 75? El díxome: Estás moi cerca, teño 81, es moi lista. Eu dixen: Grazas. Despois díxenlle: Viaxabas moito? El díxome: Si, porque era condutor de máquinas, e como viaxaba polo monte...A miña esposa morreu hai moito, teño 2 fillos, un vive en Madrid e outro con el, chámome Antonio e vivo na Pobra do Caramiñal. 
Eu regaleille o meu debuxo, antes de marchar Antonio deume un bico e foise, despois foi como se un cacho do meu corazón deixara a Antonio nel, despois axudei a unha avoa a andar, e ela deume outro bico.

Entrada feita por Yamila.

Bitstrips For Scholls con terceiro

Esta temporada na aula de informática os de terceiro estamos facendo un traballo no que hai que facer un cómic.
A web  na que  estamos traballando chamase Bitstrips For Scholls, permíteme mover a cabeza duns personaxes que son moi feos, e tamén se pode cambiar o fondo, mover os brazos, crear personaxes etc.
Eu estou facendo un accidente de mentira en Bitstrips For Scholls.
O que máis me gustou foi crear o meu propio personaxe.Quen queira visitar a nosa galería para ver os nosos traballos invitámolo. Podes velos aquí.

Entrada feita por Juanma

De volta

Estamos de volta.
Novo curso, e novo ciclo tamén.
Que maiores somos!
Quedan na lapela de "Tarefas de Coñe" as primeiras que abordaremos este ano. 
Tamén vos irei poñendo, como facíamos o curso pasado, ligazóns a actividades relacionadas co que estamos traballando.
A primeira que puxen xa, a de Bitstrips, unha que tivo moitísimo éxito.
A que mola?

O porquiño que perdera a cabeza

 
Durante parte deste curso, na hora de Atención Educativa estivemos preparando unha pequena obra de teatro.
O outro día fixemos a representación para todo o colexio: primeiro para o alumnado de Educación infantil, despois para primeiro e terceiro, e por último para cuarto, quinto e sexto. Foi unha xornada agotadora! Menos mal que o noso elenco de actrices e actores é de categoría, e aguanta o que lle boten. :-)
Onte, na penúltima sesión do curso, aproveitamos para volver a representala na biblioteca, coa idea de gravala e ter un recordo.
Aquí vos queda. Son consciente de que a calidade do vídeo non é gran cousa, pero seguro que ese pequeno defecto se ve compensado polo pracer de poder ver a actuación.
E, como esta é a última entrada no blogue por este curso...feliz verán!!! (se é que acaba de chegar, claro...)

Saída ao Parque Natural de Corrubedo

Pincha para ver todas as imaxes

A semana pasada, fomos en autobús cos de primeiro ao parque natural de Corrubedo.
Levei unha viseira para o sol,a miña M2 para facer fotos, prismáticos para ver animais, a merenda para comer,e as gafas de sol.
Alí vin flores, un esquío, un coello, gaivotas patiamarelas e un helicóptero.

As normas son:

• Non facer lume.
• Non ir con coche nin motos.
• Non arrancar plantas.
• Non saír da pasarela.
• Non levar nada.
• Non matar animais.

Trouxen as cousas que vin en fotos e debuxos.

Traballo feito por Laura e David.

Álbum de animais do Parque de Corrubedo

Aquí vos deixo o último traballo feito por nós na aula de informática.
Trátase dun álbum onde se recollen as características dalgúns dos animais presentes no Parque Natural do complexo dunar de Corrubedo e lagoas de Carregal e Vixán.
Despois de ter buscado información en libros, guías e internet sobre a fauna do Parque, escolleron cadanseu animal dos traballados, e fixeron unha ficha con el, atendendo ao modelo que eu lles puxen.
Buscaron as imaxes na rede, e a información na Galipedia e outras páxinas web.
Non se puxeron máis normas para a elección que a de que o animal escollido estivese dentro da fauna traballada, é por iso que figuran algúns animais repetidos varias veces...Entendo que pode resultar monótono, pero responde
unicamente aos gustos do alumnado, así que tamén é un modo de recoller a popularidade que algúns animais teñen na nosa clase.
Ademais de aprender sobre animais, tamén aprendemos a buscar unha imaxe e gardala
nunha carpeta, a crear un documento, a inserir unha imaxe nun documento, a inserir unhatáboa...
E pasámolo moi ben!

Plasticoñe

Onte fixemos unha clase de plasticoñe.  Facía moi bo tempo, así que pensamos que ningún sitio mellor que o noso patio para observar as plantas, as partes que teñen, os diferentes tipos de talos, follas, flores...
Ademais, tivemos ocasión de observar varios insectos polinizadores, que se achegaban larpeiros ao noso xardín de herbas aromáticas.
Levamos o noso bloc de debuxo, e alí deixamos constancia das nosas observacións.
Resultou moi relaxante.
Aquí vos quedan as imaxes que a profe foi roubando coa súa cámara. Pinchade na foto para ver as outras.

Apadriñamento lector

O outro día linlle un conto a Antía de 3 anos. Escollín un libro chamado "Cocorico", fómolo ler a biblioteca no espazo das cadeiras.
Todo isto chámase ¡apadriñamento lector!
Sentinme especial, a actividade de apadriñamento lector gustoume.

Binomio fantástico: gato e corazón

O outro día fixemos un traballo de redacción a partir do binomio fantástico.
O binomio fantástico é que se escollen dúas cousas que non teñen moita relación, e se inventa unha historia sobre elas.
Fixémolo por parellas, e nós escollemos gato e corazón. O texto que inventamos foi este:

O gato está namorado e ten o corazón como un bombón e parece un rato metido nun caixón, abren o caixón  e encontran o rato. E o gato e alá vai porque acabou no seu burato.


Feito por Flora e Antía.

Pintar coma Pollock

 Pintar como Pollock

Nós para pintar como Pollock usamos unhas canicas molladas en pintura.

Utilizamos uns pinceis, uns folios e caixas. Metiamos canica, mollabamos o pincel en pintura e despois sacudiámolo  no papel para que caera a pintura, con pintura na caixa de cartón e moviámola. Dun lado a outro, movendo e movendo pintamos un folio cada un.

Pintando como Pollock

Na clase de plástica, estivemos traballando un autor que se chama Jackson Pollock.
Jackson Pollock considérase o precursor do expresionismo abstracto. Pintaba utilizando técnicas que nunca se utilizaran anteriormente, e que se chamaron "Action Painting".
Utilizaba os pinceis de forma ríxida, con movementos rápidos, ás veces lanzándoa con forza contra o lenzo; ás veces deixándoa pingar dende o bote de pintura, ao que lle facía un furado, sobre o lenzo, movéndoo con rapidez; tamén usaba aerosois.
Para obter resultados que recorden a Pollock, nos utilizamos unha técnica mixta para a que precisamos: unha caixa pouco profunda, folios, pintura, canicas e pinceis. 
Poñemos o folio dentro da caixa, e mollamos as canicas en pintura. Collemos varias canicas, metémolas na caixa, sobre o folio, e movemos a caixa en distintas direccións, de modo que as canicas van marcando sobre o folio o seu percorrido con cores.
Despois, mollando o pincel en pintura, lanzámola con forza contra o folio, para salpicar nel a pintura, como facía Pollock.
Na galería de imaxes podedes ver como o fixemos.
Pasámolo pipa!

Pluviómetro

Hoxe fixemos un Pluviómetro 
Para confeccionalo,utilizamos: unha botella, tesoira, rotulador, cinta adhesiva, pedras, auga.
 Sacámoslle a tapa.
Cortamos a botella ao medio. 
Puxémoslle cinta adhesiva.
Puxémoslle pedras.
Fixémoslle raias con  un rotulador de punta fina.
Puxémoslle auga.
Deixamos o pluviómetro no patio.
Cada día, miramos a cantidade de auga que ten, e anotámolo nunha gráfica que temos na clase.
Despois, baleiramos outra vez ata o 0.


Entrada feita por Nicolás e Mateo

COMO NOS COMPORTAMOS NA CLASE

O outro día estivemos falando na clase dos nosos comportamentos menos adecuados. Despois de reflexionar sobre o tema, pareceunos que as cousas que facemos mal e deberíamos cambiar son estas:

1. Non respectamos a quenda  de palabra
2. Berramos moito.
3. Cotorreamos cos  compañeiros cando hai que traballar ou escoitar.
4. Enredamos  coas cousas en vez de atender.
5. Rímonos dos compañeiros cando fallan.
6. Insultamos e falamos ao respecto.
7. Pelexamos.
8. A veces non perdoamos.
9. Chivámonos.
10. Ferimos os sentimentos dos demais.

Uns entroidos con moita ciencia

Hoxe o cole estaba cheo de batas brancas. Parecía un Congreso da Ciencia!
Por obra e gracia de Don Entroido, deixamos por un anaco a nosa vida real, e convertémonos nun grupo de científic@s do máis variopinto. Había quen se adicaba a investigar os animais, quen optaba pola auga, o sangue...
Fixádevos nas imaxes, como compartimos os nosos saberes co resto do grupo, co entusiasmo propio de mentes privilexiadas como as nosas.
Como se enteren da revista Investigación e Ciencia, veñen aquí para captar "cerebros"!!!
 

Excursión á Pedra das Cabras

Hoxe fomos de excursión.Pasámolo moi ben .Primeiro fomos no bus,o resto do camiño fomos andando.Despois chegamos ao medio do camiño e había un río  pero había unha táboa e puidemos pasar.
E por fin vimos a Pedra das Cabras.Despois de vela fomos polo camiño e collemos o bus. Despois sen saír do bus vimos o menhir. E despois fomos ver o dolmen de Axeitos,entramos dentro do dolmen. E fomos xogar e vimos un lagarto e Víctor colleuno coa man. Despois subimos no bus e fomos para a escola.
O que máis me gustou foi a Pedra das Cabras, porque a fixeron os nosos antepasados. 

Titiricircus

Antes das vacacións, fomos a Ribeira ver unha obra de títeres.
Fumos en autobús a ver Titiricircus.
Había unha serpe que se chamaba Josefina.
Tamén un forzudo que se chamaba Bigotini.
E Palindranati, que era un faquir.
Tamén Tato e Venancio.
Aquí vos deixamos as fotos para que as vexades.