Os nosos traballos sobre a Idade Media

A Idade Media

Publish at Calameo or read more publications.

Durante este trimestre que xa remata (o tempo voa!), estivemos a traballar na clase de coñe sobre a Idade Media.
De todo o que fomos aprendendo entre Edilims, consultas en internet, vídeos, traballos elaborados por nós...estivemos facendo un traballo na aula de informática.
Tratábase de resumir o que tiñamos aprendido sobre o tema, e ilustralo con tres fotos que se correspondesen con tres temas que se citasen no documento.
Este é o resultado do noso traballo.
Pinchando no cadradiño superior dereito, podedes velo a toda pantalla.
Agardo que saibades apreciar o esforzo que hai detrás de cada unha das nosas composicións!

Visita a Carboeiro

Chegada a Carboeiro

Onte fomos ao Mosteiro de Carboeiro, que se encontra en Silleda. A min a visita gustoume moito.
O noso guía chamábase Xesús. Ao principio demos unha volta arredor do Mosteiro e paramos onde había un río case ao lado do Mosteiro, explicounos que os monxes tiñan: pombal, leiras, un río para pescar as troitas, escritorio, igrexa, dormitorios, etc...
Tamén nos estivo explicando que os mosteiros sempre se facían cara o leste, cara onde saía o Sol.
Despois subimos por un sitio para chegar ata onde estaba o Mosteiro, había como unha data do día que se formou e estaba escrita con letras e números romanos.
Despois Xesús ensinounos a entrada, que tiña arcos de medio punto moi bonitos, onde había unhs anxos cantando e unhas flores moi bonitas, pero había algúns anxos que non tiñan cabeza, e díxonos que algunha persoa as quitara. Máis abaixo debería haber unhas figuras, pero non estaban porque as levara a muller de Franco.
Logo fixemos un xogo que consistía en que cunha man collías o espello e poñíalo sobre o nariz, e ías andando mirando cara o teito, foi moi divertido.
Despois fomos merendar e xogar un pouco, e despois fixemos o caderno que nos dera Xesús; entón cando acabamos xogamos e fomos para comer. Eu senteime a comer con Flora, con Laura, con Ana, con Marta e con Beatriz. Cando acabamos de comer fomos coller os xelados, e a min como me sobraba collín Chasquis, fun para un sitio onde había un río e vin a un neno de 4º chamado Gabriel. Despois fomos ao bus coller as botellas de auga, eu collín a miña botella. Collémolas porque iamos ir dende alí ata "As fervenzas do Toxa". Eu ía na 2ª fila con Juanma e Sergio. Cando iamos andando, Juanma pediume auga, porque el xa a gastara, despois botoulle un pouco ás plantas que había nas hortas. Máis adiante viu anís e dixo:
-Hai anís- e púxose a coller.
Despois estivenme rindo e falando con Sergio mentres Juanma nos alcanzaba. Ao chegar senteime nunha mesa, pero despois díxonos Xesús que fósemos por un camiño. Cando fomos polo camiño para ver mellor a fervenza, Xesús ensinounos que a fervenza do Toxa é a máis grande de Galiza.
Despois fomos cara onde estaba o bus, e puxémonos a merendar, e cando acabamos de merendar fomos para Aguiño, mentres chegábamos estivemos xogando a "atrevemento ou verdade".
Eu paseino moi ben, a min gustoume todo.

Traballo feito por Yamila

Carboeiro

Pincha na imaxe e verás todas as fotos da excursión

Onte fomos de excursión a Carboeiro.
Ao principio, cando iamos de camiño eu fun con Sergio e foi moi divertido.
Xesús, o noso guía, explicounos moitas cousas sobre o mosteiro de Carboeiro.
O sitio onde comemos estaba moi ben, tiña bancos de madeira, bancos de pedra, máquinas de deporte, un chiringuito e ata uns fogóns.
A parte que menos me gustou foi cando fomos por costas empinadas que cansaban e estaban cheas de pedras.
O mellor foi ir no autobús. Xesús deunos un libro pequeno de exercicios da Idade Media. En resumo, a excursión gustoume.

Traballo feito por Juanma.